سوال

نماز میں سُترے کی کیا مقدار ہے؟

جواب

سترہ کی کم سے کم مقدار یہ ہے کہ نمازی کے سامنے ایک ذراع/ایک ہاتھ (یعنی ہاتھ کی بڑی انگلی سے لے کر کہنی تک، دو بالشت) کے برابر لمبائی اور اس کی موٹائی کم سے کم ہاتھ کی ایک چھوٹی انگلی کے برابر ہونی چاہیے، یعنی اس کی لمبائی فٹ کے اعتبار سے تقریباً ڈیڑھ فٹ بنتی ہے۔

فتاوی شامی میں ہے:

"(ويغرز) ندبا بدائع....(الإمام) وكذا المنفرد (في الصحراء) ونحوها (سترة بقدر ذراع) طولا (وغلظ أصبع) لتبدو للناظر (بقربه)(قوله بقدر ذراع) بيان لأقلها ط. والظاهر أن المراد به ذراع اليد كما صرح به الشافعية، وهو شبران (قوله وغلظ أصبع) كذا في الهداية".

( كتاب الصلاة،باب مایفسد الصلاة ومایکرہ فيها، 1/ 636 /637، ط: سعید)

فقط واللہ اعلم