نماز کے دوران اگرنمازی کے آگے سے گزرنا ہو تو کتنا فاصلہ رکھنا چاہیے؟ یا گزرنا ہی نہیں چاہیے؟
اگرنمازی کے آگے سترہ(کم از کم ایک گز شرعی کے برابراونچی اور کم از کم ایک انگلی کے برابرموٹی کوئی چیز) ہوتو اس آڑ کے آگے سے گزرنا جائزہے، سترے اور نمازی کے درمیان سے نہ گزرے۔ اور اگرنمازی کے آگے سترہ نہیں ہوتو پھر اگر نمازی بڑی مسجد(کم ازکم چالیس شرعی گز یا اس سے بڑی مسجد) یامیدان میں نماز ادا کررہاہو تو نمازی کی صف کے علاوہ دو صفوں کا فاصلہ چھوڑکر اس کے آگے سے گزرناجائزہے۔ اور اگرچھوٹی مسجد یاگھرمیں نماز ادا کررہاہو تو پھراس کے آگے سے بغیر سترے کے گزرنا جائزنہیں ہے، نماز ختم ہونے کا انتظارکیاجائے۔ فقط واللہ اعلم
فتوی نمبر : 143605200007
دارالافتاء : جامعہ علوم اسلامیہ علامہ محمد یوسف بنوری ٹاؤن