اگر امام صاحب نماز پڑھاتے ہوئے ایک رکن سے دوسرے رکن جانے کے وقت "اللہ اکبر" کہنے کے بجائے "نللہ اکبر" کہیں، یعنی لفظ "اللہ" سے پہلے "ن" کا اضافہ کریں تو کیا نماز ادا ہو جائے گی؟
امام صاحب جب تکبیرہ تحریمہ صحیح ادا کرتے ہیں تو انتقال کی تکبیر کیوں غلط کہیں گے ، سننے والے کو غلط معلوم ہوا ہوگا، تاہم صورتِ مسئولہ میں بھی نماز ادا ہو جائے گی، لوٹانا ضروری نہیں ہے۔
فتاویٰ شامی میں ہے:
"وسننها ترك السنة لا يوجب فسادا ولا سهوا بل إساءة لو عامدا غير مستخف...وتكبير الركوع ...وتكبير السجود و كذا نفس الرفع منه بحيث يستوي جالسا و كذا تكبيره."
(كتاب الصلاة، باب صفة الصلاة، ج:1، ص:474-476، ط: سعيد)
فقط والله أعلم
فتوی نمبر : 144411101764
دارالافتاء : جامعہ علوم اسلامیہ علامہ محمد یوسف بنوری ٹاؤن