سوال

نوافل میں بیوی اگر شوہر کے محاذات میں اس طرح کھڑی ہو کہ بیوی کا مصلی شوہر کے مصلی کے ساتھ ملا ہوا ہو تو اس سے دونوں کے نماز کا کیا حکم ہے؟

جواب

صورتِ مسئولہ میں اگر مرد اور عورت الگ الگ نوافل ادا کررہے ہوں اور دونوں کی نماز الگ ہو تو  اس صورت میں صرف ساتھ  بیوی کی جائے نماز شوہر  کی جائے نماز کے ساتھ ہونے سے دونوں میں کسی کی نماز پر کوئی اثر نہیں ہوگا۔

اور اگر شوہر جماعت کرارہا ہو تو بیوی  اس کی اقتدا  کرنے کے لیے  کم از  اس سے چار انگل  پیچھے کھڑی ہو اور احتیاطاً  کم از کم قدم کے بقدر پیچھے کھڑی ہو، اور اگر عورت  مرد کے بالکل ساتھ  کھڑی ہوکر اس کی اقتدا  کررہی ہو اور اس کی پنڈلی اور ٹخنہ مرد کی پنڈلی اور ٹخنہ کے محاذات میں  ایک رکن (تین تسبیحات کی مقدار) کے بقدرآجائیں  تو مرد کی نماز فاسد ہوجائے گی۔

مزید تفصیل کے لیے درج ذیل لنک پر جامعہ کا فتویٰ ملاحظہ فرمائیں:

نماز میں محرم عورت کی محاذات کا حکم

فقط واللہ اعلم