موبائل کی ٹون میں اگر عورت کی آواز ہوتو نماز میں کوئی مسئلہ ہوگا یا نہیں؟
صورتِ مسئولہ میں نماز کے دوران موبائل ٹون بج جائے اور موبائل ٹون عورت کی آواز والی ہو تو نماز تو ہوجائے گی، تاہم عورت کی آواز والی ٹون رکھنا درست نہیں ہے؛ لہذا ایسی ٹون بدل دی جائے۔ نیز نماز سے پہلے ہی موبائل سائلنٹ پر کرنے کا اہتمام کیا جائے، اور اگر پہلے بھول جائے تو نماز کے دوران بیل بجتے ہی عملِ قلیل کے ذریعے اس کی ٹون بند کردی جائے؛ تاکہ نماز میں خلل واقع نہ ہو۔ فقط واللہ اعلم
فتوی نمبر : 144210200466
دارالافتاء : جامعہ علوم اسلامیہ علامہ محمد یوسف بنوری ٹاؤن