سوال

نماز کی حالت میں جسم سے اگر کسی حصہ سے خون نکل جائے تو کیا نماز ہو جاتی ہے؟

جواب

اگر خون صرف ظاہر ہو، اپنی جگہ سے نکل کر بہہ نہ جائے تو ایسی صورت میں وضو برقرار رہےگا اور نماز جاری رہےگی اور اگر وہ اپنی جگہ سے  تجاوز کرجائے تو ایسی صورت میں وضو ٹوٹ جائےگا اور نماز بھی فاسد ہوجائےگی۔

اگر خون دانتوں سے  نکلے اور تھوک پر غالب ہو تو وضو ٹوٹ جائے گا، اگر حلق  سے خون نکلے تو اس کا منہ میں آجانا بہنے کے قائم مقام ہے، اسی طرح کان یا ناک کے اندر سے خون نکل کر باہر کے حصے پر ظاہر ہوجائے تو وضو ٹوٹ جائے گا۔ فقط واللہ اعلم