سوال

اگر نماز کے دوران منہ سے سگریٹ کی بدبو آئے تو کیا فرشتے لعنت بھیجتے ہیں؟

جواب

واضح رہے کہ بدبو دار چیز سے جس طرح انسانوں کو تکلیف ہوتی ہے اسی طرح فرشتوں کو بھی تکلیف ہوتی ہے۔لہذا نماز میں اس طرح شریک ہونا کہ اس کے منہ سے یا جسم وغیرہ سے بدبو آرہی ہو مناسب عمل نہیں ہے۔

فرشتوں کی لعنت کا ذکر تو حدیث میں نہیں ملتا البتہ فرشتوں کو تکلیف پہنچنے کی صراحت حدیث میں مذکور ہے۔

مسلم شریف کی حدیث ہے:

"إن الملائكة تتأذى مما يتأذى منه بنو الإنسان." (۸۷۴)

فقط واللہ اعلم