سوال

نماز جمعہ اور عیدین کی نماز باجماعت پڑھنے کے لیے امام کے علاوہ کتنے افراد کا ہونا ضروری ہے؟

جواب

نماز جمعہ کی جماعت کے درست ہونے کے لیے امام کے علاوہ تین افراد کا ہونا ضروری ہے۔  عید کی نمازکے لیے بھی جماعت کا ہونا شرط ہے، انفرادی طور پر عید کی نماز ادا کرنا درست نہیں، جماعت کے ساتھ پڑھنا ضروری ہے،  لیکن عید کی نماز  کی جماعت کے لیے امام کے علاوہ ایک مرد کا ہونا کافی ہے۔

البتہ جمعہ و عید کی نماز جتنے بڑے مجمع کے ساتھ   جامع مسجد یا عیدگاہ میں ادا کی جائے اتنا پسندیدہ ہے، بغیر عذر کے جامع مسجد یا عیدگاہ کی جماعت چھوڑ کر گھر یا کمپاؤنڈ وغیرہ میں مختصر جماعت سے اجتناب کیا جائے۔ فقط واللہ اعلم

مزید تفصیل کے لیے درج ذیل لنک پر فتویٰ ملاحظہ فرمائیں:

عید کی نماز گھر میں پڑھنا