سوال

اگر امام نمازِ جنازہ میں چوتھی  تکبیر کہنا بھول گیا،  ایک طرف سلام پھیر دیا، مقتدیوں کے یاد کروانے پر تکبیر کہی اور سلام پھیرا، اس میں حکمِ شرعی کیا ہے؟ آیا نمازِ جنازہ دوبارہ پڑھائیں؟

جواب

نمازِ جنازہ میں چار تکبیریں کہنا فرض ہے، اور یہ چار تکبیریں چار رکعات کے قائم مقام ہیں، لہٰذا اگر نمازِ جنازہ میں امام صاحب نے چار کے بجائے تین تکبیریں کہہ کر سلام پھیر دیا، پھر مقتدیوں کے لقمہ دینے سے چوتھی تکبیر کہہ دی اور سلام پھیر دیا تو نماز درست ہو گئی اور اب اس کے اعادہ کی ضرورت نہیں۔

الفتاوى الهندية (1/ 165):

"و لو سلم الإمام بعد الثالثة ناسيًا كبر الرابعة ويسلم، كذا في التتارخانية."

فقط والله اعلم