سوال

نماز جنازہ  کی دوسری تکبیر کے بعد امام صاحب غلطی سے رکوع میں چلا گیا ،اس کے  فوراً بعد کھڑا ہو گیا ،تو  کیا نماز جنازہ   کا اعادہ ضروری تھا؟

جواب

صورتِ مسئولہ میں اگر امام غلطی سے نماز جنازہ کی دوسری تکبیر کے بعد رکوع میں چلا گیا اور فوراً ہی کھڑا ہو گیا تو نماز جنازہ ادا ہوگئی ہے، اعادہ کی ضرورت نہیں ہے۔

ردالمحتار میں ہے:

"(قوله ليس من أعمالها) احتراز عما لو ‌زاد ‌ركوعا أو سجودا مثلا فإنه عمل كثير غير مفسد لكونه منها."

(کتاب الصلاۃ، باب: ما یفسد الصلاۃ  و ما یکرہ فیہا،1/624،ایچ ایم سعید)

ردالمحتار میں ہے:

" وفي البحر: ويفسدها ما أفسد الصلاة ."

(کتاب الصلاۃ، باب صلاۃ الجنازۃ، مطلب فی صلاۃ الجنازۃ،2/207 ، ایچ ایم سعید)

فقط واللہ اعلم