سوال

میں نے یوٹیوب سے کچھ رقم کمائی بعد میں معلوم ہوا کہ یوٹیوب سے کمائی کرنا جائز نہیں ہے اب ان پیسوں کو کہا ں استعمال کیا جائے؟

جواب

 ناجائز طریقہ سے حاصل کی گئی آمدنی کا  حکم یہ ہے کہ   اس  رقم  کو کسی مستحق زکات شخص کو  ثواب کی نیت کے بغیر صدقہ کردیا جائے ،اور اللہ تعالیٰ سے اپنے اس عمل پر  معافی مانگیں اور جائز طریقوں کے مطابق حلال اور پاکیزہ ذریعہ معاش تلاش کریں تاکہ آخرت میں پریشانی نہ ہو۔

المبسوط للسرخسی میں ہے:

"والربح الحاصل بكسب خبيث ‌سبيله ‌التصدق به."

(کتاب الودیعۃ،ج11،ص112،ط؛دار المعرفۃ)

فقط واللہ اعلم