سوال

 ہمیں دوکان سے روزانہ کے حساب سے جو آمدن ہوتی ہے،  اس میں سے چند فیصد مقرر کیا ہوا ہے ہم نے اللہ کے نام کا ۔ تواس سے  مہینے کے آخر  میں  مناسب رقم جمع ہو جاتی  ہے ہمارے پاس۔ اب  پوچھنا یہ  ہے کہ ایک مدرسہ ہے  جس کی جگہ کرایہ پر  ہے، اس  رقم میں سے ہم اس کا ماہانہ کرایہ ادا کر سکتے ہیں ؟

جواب

نفلی صدقہ جائز کاموں میں استعمال کرنا جائز ہے، اس کا مصرف صرف  صدقاتِ واجبہ والا نہیں ؛ لہذا  اس سے مدرسہ  کی جگہ کا کرایہ ادا کرنا  جائز  ہونے کے ساتھ ساتھ ثواب بھی ہے۔

الدر المختار وحاشية ابن عابدين (رد المحتار) (5 / 698):

"لأنّ الصدقة على الغني هبة."

 فقط واللہ اعلم