کیانفلی روزہ تنہارکھناچاہیے؟
نفلی روزہ تنہا رکھنا ضروری نہیں ہے، نہ ہی تنہا رکھنا منع ہے، اگر چاہے تو ایک دن روزہ رکھے اور ایک دن افطار کرے یا پے در پے کئی دن روزے رکھے دونوں صورتیں جائز ہیں، البتہ دس محرم الحرام (عاشوراءکے دن) کا تنہا روزہ رکھنا مکروہ ہے، اس کے ساتھ نو محرم یا گیارہ محرم کا روزہ ملایا جائے۔
اسی طرح جمعے کے دن کو خاص کرکے موجبِ فضیلت سمجھ کر روزہ رکھنا یا اس کا التزام کرنا مکروہ ہے، لیکن جمعے کا تنہا روزہ مطلقًا ممنوع نہیں ہے۔(مستفاد از آپ کے مسائل اور ان کا حل جلد 3۔450) فقط واللہ اعلم
فتوی نمبر : 144207201448
دارالافتاء : جامعہ علوم اسلامیہ علامہ محمد یوسف بنوری ٹاؤن
