سوال

میرے ایک رشتہ دار نے مجھ سے بزنس کے نام پر ساڑھے 13 لاکھ روپے لیے کہ وہ انویسٹمنٹ کر کے پرافٹ کے ساتھ واپس کریں گے،  اس بات کو 8سال ہو گئے ہیں،  نہ  انہوں نے کوئی پرافٹ دیا ہے اور نہ اصل رقم،  میرے پیسے کی قدر کم ہو گئی اب وہ مجھے کتنے پیسے واپس کرنے کے پابند ہیں؟   کیونکہ انہوں نے یہ جواب دیا ہے کہ میں نے پلاٹ خریدا تھا ،  کوئی پرافٹ نہیں ہوا میں آپ کو کہاں سے دوں ۔

جواب

صورت مسئولہ میں اگر رشتہ دار ثابت کردیتا ہے کہ اس نے آپ کی رقم سے پلاٹ لیا تھا تو آپ کا حق پلاٹ میں ہے اور آپ کے رشتہ دار کو خریدنے کی مزدوری ملے  گی۔باقی روپیہ ڈی ویلیو ہونے کی وجہ سے رشتہ دار سے زیادہ کا مطالبہ نہیں کرسکتے ہیں۔فقط واللہ اعلم