سوال

میری والدہ  کے پاس ایک سونے کا ہار تھا ،والدہ وہ ہار میرے بیٹے کو دینا چاہتی تھی ،میرابیٹا نابالغ تھا ،اس وجہ سے والدہ نے ہار مجھے دیا  کہ یہ آپ کے بیٹے کا ہے ،میں نے ہار اپنے قبضہ میں لیا اور اپنی بیوی کو ہار رکھنے کےلیے دیا ،والدہ محترمہ صحت مند تھی ،اب والدہ کا انتقال ہوا ہے ،اب سوال یہ ہے کہ کیا مذکورہ ہار والدہ کے ترکے میں شمار ہوگا یا میرے بیٹے کاہوگا؟

جواب

صورتِ مسئولہ میں سائل کی والدہ سائل کے بیٹے کو  ہار گفٹ کرنا چاہا اور سائل کا بیٹا نابالغ تھا تو ہار پر ولی کا قبضہ ضروری تھا   اور سائل  نے اپنے بیٹے کے طرف سے ہار پر قبضہ کیا تو ہبہ تام ہوگیا،اب یہ ہار سائل کی والدہ کے ترکے میں شمار نہیں ہوگا بلکہ مذکورہ ہار سائل کے بیٹے کا ہوگا۔

فتاوی شامی میں ہے:

"الولاية في مال الصغير للأب ثم وصيه ثم وصي وصيه ولو بعد، فلو مات الأب ولم يوص فالولاية لأبي الأب ثم وصيه ثم وصي وصيه، فإن لم يكن فللقاضي ومنصوبه".

(كتاب الوصايا، باب الوصي، ج:6، ص:714، ط:ايچ ايم سعيد)

الدر المختار میں ہے:

"(وتتم) الهبة (بالقبض) الكامل."

(رد المحتار، کتاب الھبة، ج:5، ص:690، ط:سعید)

فقط واللہ اعلم