میری شادی میں میرا ولی میری امی کا کزن تھا، کیا اسلام میں ولی کے ساتھ چا ہے وہ جو بھی ہو نکاح ہوسکتا ہے؟( جسے دینی بھائی بھی کہتے ہیں)
صورت مسئولہ میں آپ کا نکاح آپ کی والدہ کے کزن نے کروایا ہے تو شرعا اس کو وکیل کہا جاتا ہے،اور نکاح کا وکیل عورت کسی کو بھی بنا سکتی ہے چاہے وہ محرم ہو یا نامحرم، تاہم بہتر یہ ہے کہ نکاح میں وکیل محرم ہو۔
لہذا اگر آپ کا نکاح آپ کی والدہ کے کزن نے آپ کی اجازت سے کرا دیا تو شرعا یہ نکاح درست ہے۔
فقط واللہ اعلم
فتوی نمبر : 144312100004
دارالافتاء : جامعہ علوم اسلامیہ علامہ محمد یوسف بنوری ٹاؤن