سوال

 میرا بڑا بیٹا جو میٹرک کا طالب علم ہے بہت زبان دراز ہوگیا ہے ،اور پڑھائی میں بھی کو ئي  توجہ نہیں دیتا ،گھر میں سب بچے اور ہم والدین نماز پڑھتے ہیں اسکو بار بار بول کر نمازپڑھوانی پڑھتی ہے ،کوئی وظیفہ بتائیں کہ اس دجالی دور میں میرا بیٹا بچ جائے تعلیم کی طرف دھیان دے اور میرا نہیں بس اللہ پاک کا فرماں بردار بن جائے ۔

جواب

اولاد کے نافرمان ہونے کی صورت میں حضرت حکیم الامت  مولانا اشرف علی تھانوی  رحمہ اللہ  فرماتے ہیں کہ  روزانہ ہر نماز کے بعد یہ آیت  "وَأَصْلِحْ لِى فِى ذُرِّيَّتِىٓ ۖ إِنِّى تُبْتُ إِلَيْكَ وَإِنِّى مِنَ ٱلْمُسْلِمِينَ "  (الاحقاف:15)                پڑھا کریں اور لفظ "ذُرِّيَّتِىٓ"پر اپنے بچے كا تصور كريں  انشاءاللہ لڑکا صا لح ہوجائے گا ۔   

(اعمال قرآنی  مؤلفہ  حکیم الامت ،31   ؛ مکتبہ دارالاشاعت) 

نیز بچے کی نفسیات اور عادات کو مد نظر رکھتے ہوئے پیار و محبت سے سمجھانے اور اپنے قریب کرنے کی کو شش بھی کرتے رہیں ۔

فقط واللہ اعلم