سوال

میرے منع  کرنے  کے باوجود   میری بیوی  سال میں  6 ماہ  اپنے  ماں باپ  کے گھر چلی  جاتی ہیں،  بہت سمجھایا ہے،  پھر بھی  اُس  کی حرکتیں ختم نہیں ہوتیں۔ سوال یہ ہے کہ ایسی عورت کے ساتھ مزید رہنا  چاہیے یا طلاق دینا بہتر ہے؟

جواب

بصدقِ واقعہ  اگر آپ کے سمجھانے   کے باوجودبیوی بات ماننے پر تیار نہیں ہو رہی ہے، تو اس صورت میں دونوں خاندانوں کے بڑوں کی ذمہ داری ہے کہ وہ  اسے  سمجھائیں،  گھر ٹوٹنے  سے  بچانے کی  ہر ممکن تدبیر کریں، پس  اگر وہ  پھر بھی  باز  نہ  آئے تو  اس صورت  میں آپ ایک طلاق دے  سکتے  ہیں،   طلاق کے بعد عدت میں ہی اگر اسے اپنی غلطی کا احساس ہوجائے اور وہ اس کی تلافی کرکے  اپنا گھر بسانا چاہے، تو آپ رجوع کرلیں، اور اگر عدت کی تکمیل تک غلطی کا احساس نہ ہو تو عدت مکمل ہوتے ہی  وہ آپ کے نکاح سے آزاد ہوجائے گی، تاہم باہمی رضامندی سے  گواہوں کی موجودگی میں مہر مقرر کرکے دوبارہ نکاح جائز ہوگا، بہر دو صورت آئندہ آپ کو صرف دو طلاق کا حق حاصل ہوگا۔  فقط واللہ اعلم