سوال

میرے پاس میرے شریکوں کی نقدرقم تھی جو انہوں نے کاروبار کے  لیے دی تھی، وہ رقم مجھ سے چوری ہو گئی، تو کیا یہ رقم مضاربت کے منافع سے پورا کروں یا پھر یہ نقصان صرف مجھ پر ہو گا؟

جواب

مضاربت کا راس المال آپ کے پاس امانت تھا، اگر آپ کی غفلت و  لاپرواہی کے بغیر وہ رقم چوری ہوگئی تو اس رقم کا نقصان مضاربت کے نفع سے پورا کیا جائے گا،  آپ پر اپنی طرف سے اس رقم کا نقصان ادا کرنا لازم نہیں ہے۔ 

الدر المختار وحاشية ابن عابدين (رد المحتار) (5/ 656):

"(وما هلك من مال المضاربة يصرف إلى الربح) ؛ لأنه تبع (فإن زاد الهالك على الربح لم يضمن) ولو فاسدة من عمله؛ لأنه أمين  (وإن قسم الربح وبقيت المضاربة ثم هلك المال أو بعضه ترادا الربح ليأخذ المالك رأس المال وما فضل بينهما، وإن نقص لم يضمن) لما مر."

فقط واللہ اعلم