سوال

 جن  احباب نے  معروف مضاربہ اسکیم  میں منافع حاصل کیا ہو  اور  اب پتا  چلنے کے بعد کے  وہ  سارا دھوکا تھا، اب وہ اس منافع کا کیا کرے،  کیا وہ منافع اس کے لیے جائز ہیں؟

جواب

صورتِ  مسئولہ میں مضاربت میں رقم لگانے کے بعد  معلوم ہوا کہ   مضارب نے اس پیسوں کو کاروبار میں نہیں لگایا تھا، بلکہ بس وہ ایک  فراڈ اور دھوکا تھا، تو چوں کہ کوئی کاروبار نہیں ہوا تھا، لہذا  کاروبار  کیے بغیر   اس مضاربت سے جو نفع حاصل ہوا تھا وہ جائز نہیں تھا،  اس لیے اس پر   توبہ واستغفار کے ساتھ ساتھ اپنے  اصل سرمایہ کی رقم سے زائد   جو نفع وصول کیا ہے اس کو  اصل مستحقین تک پہنچائے اور اگر یہ ممکن  نہ ہو تو ثواب کی نیت کے بغیرفقراء پر  صدقہ کرنا ضروری ہے۔

فتاوی شامی میں ہے:

"(وركنها الإيجاب والقبول وحكمها) أنواع؛ لأنها (إيداع ابتداء) 

(قوله: إيداع ابتداء) قال الخير الرملي: سيأتي أن المضارب يملك الإيداع في المطلقة مع ما تقرر أن المودع لا يودع، فالمراد في حكم عدم الضمان بالهلاك، وفي أحكام مخصوصة لا في كل حكم، فتأمل." (5 / 646)

"اعلاء السنن"میں ہے: 

" قال ابن المنذر: أجمعوا علی أن المسلف إذا شرط علی المستسلف زیادة أو هدیة فأسلف علی ذلک، إن أخذ الزیادة علی ذلک ربا".

(14/513، باب کل قرض جر  منفعة، کتاب الحوالة، ط: إدارة القرآن) 

فقط واللہ اعلم