سوال

جنجالي زمين (متنازع زمین)  پر مسجدبنانے سے متعلق  اسلام میں کیا حکم هے؟

جواب

مساجد  زمین میں اللہ کے  گھر ہیں، اس لیے مسجد ایسی جگہ قائم کرنی چاہیے  جو جگہ جھگڑے، فتنے اور  فساد  سے پاک ہو،  اگر کوئی زمین  ایسی ہو جس  سے متعلق تنازع ہو  اور ہر ایک کا یہ دعویٰ ہو کہ یہ زمین ہماری ہے ایسی جگہ مسجد نہیں بنانی چاہیے؛ تاوقتیکہ اس زمین سے متعلق کوئی بات واضح نہ ہو جائے، پھر جب کسی ایک فریق کے حق میں فیصلہ ہو جائے تو اس فریق کا اس زمین کو مسجد بنانا درست ہو گا۔

یاد رہے  کہ جو زمین کسی کی مملوکہ ہو اور اسے غصب  کرکے  اس  پر مسجد تعمیر کر دی جائے تو ایسی جگہ مسجد تعمیر کرنے سے وہ مسجدِ شرعی نہیں بنے گی اور اُس میں نماز پڑھنا بھی  مکروہ ہو گا۔

الفتاوى الهندية (1/ 109):

"الصلاة في أرض مغصوبة جائزة، و لكن يعاقب بظلمه فما كان بينه وبين الله تعالى يثاب وما كان بينه وبين العباد يعاقب."

الجوهرة النيرة على مختصر القدوري (1/ 46):

"وإن صلى في ثوب مغصوب أو توضأ بماء مغصوب أو صلى في أرض مغصوبة فصلاته في ذلك كله صحيحة."

مراقي الفلاح شرح نور الإيضاح (ص: 130):

"و" تكره في "أرض الغير بلا رضاه."

فقط واللہ اعلم