میری بیوی کی بھتیجی کی طلاق ہوگئی ہے، اب وہ مجھے بلیک میل کرتی ہےکہ میں لوگوں کو بتاؤں گی کہ میں نے اس کی وجہ سے طلاق لی ہے، اب وہ مجھ سے شادی کرنا چاہتی ہے، اگر میں اس کے ساتھ شادی نہ کروں تو وہ مجھے بدنام کر رہی ہے، اب میں حیران ہوں کہ کیا کروں؟ مجھے کوئی راستہ بتادیں!
اگر اس کی طلاق میں واقعۃً آپ کا کوئی کردار نہیں ہے تو آپ لڑکی کے سرپرستوں اور خاندان کے بڑوں کو اس بارے میں اعتماد میں لیں اور ان کے ذریعہ سے اپنا مسئلہ حل کرائیں۔
اور اگر آپ کا اس سلسلے میں کوئی کردار رہاہے تو اس پر توبہ و استغفار کیجیے اور شرعی مسئلے سے آگاہ کیجیے کہ آپ کی بیوی (مذکورہ لڑکی کی پھوپھی) کے آپ کے نکاح میں ہوتے ہوئے اُس کی بھتیجی سے آپ کا نکاح جائز نہیں ہے۔
بہرصورت چوں کہ بیوی کی بھتیجی آپ کے لیے غیر محرم ہے، اس لیے اس سے رابطہ نہ رکھیے۔ فقط واللہ اعلم
فتوی نمبر : 144107201081
دارالافتاء : جامعہ علوم اسلامیہ علامہ محمد یوسف بنوری ٹاؤن