سوال

کیا دوران اعتکاف معتکف کسی سے بات کر سکتا ہے؟ ایک ساتھ  مسجد  میں بیٹھ کرکھانا کھا سکتا ہے اور معتکف مسجد کے باہر دیکھ سکتا ہے؟

جواب

اعتکاف کے دوران زیادہ وقت ذکر و اذکار،  تلاوت کلام مجید، عبادات اور اللہ کو راضی کرنے والے دیگر اعمال میں مشغول رہنا چاہیے، فضول بات چیت سے اجتناب کرنا چاہیے۔ تاہم معتکف ضرورت کی بات چیت، خیر اور بھلائی کی باتیں کرسکتاہے، اسی طرح دیگر معتکفین کے ساتھ  بیٹھ  کر کھانا بھی کھا سکتاہے، مسجد سے باہر دیکھنے سے اعتکاف فاسد نہیں ہوتا،  تاہم بلاوجہ ایسا نہ کرے؛ تاکہ عبادت سے غفلت نہ ہو ، اور اگر مسجد کی بالائی منزل سے باہر دیکھنے کے بارے میں سوال ہو اور وہاں سے رہائشی مکانات میں نظر  پڑتی ہو  تو  ایسی جگہ سے باہر دیکھنے سے اجتناب کرے؛ کیوں کہ اس میں پردہ دری کا امکان ہے۔فقط واللہ اعلم