سوال

معتکفین حضرات رات دن مسجد کے پنکھےاستعمال کرتے ہیں،  تو بجلی کابل شرعاً ان پر واجب ہے، یا نہیں؟ 

جواب

مسجد  کی بجلی انہیں مصارف میں صرف کرنا ضروری ہے جو مسجد اور مسجد کی ضروریات سے متعلق ہوں، اور نمازیوں کے لیے مسجد کی بجلی عبادت کے علاوہ اپنے ذاتی استعمال میں لانے کی شرعاً اجازت نہیں، البتہ دورانِ عبادت مسجد کی بجلی استعمال کرنے کی شرعاً اجازت ہے، اور معتکف مسجد  میں رہتے ہوئے تمام وقت اعتکاف کی عبادت میں مشغول رہتا ہے، لہذا مسجد کی بجلی استعمال کرنا ذاتی استعمال کے حکم میں نہیں، تاہم اس دوران مسجد میں موبائل چارج کرنا چوں کہ معتکف کی شرعی ضرورت نہیں، لہذا اس کی اجازت نہیں، پس ذاتی مقصد میں بجلی استعمال کرنے کی صورت میں استعمال شدہ بجلی کی مد میں کچھ رقم مسجد کے اخراجات کی میں جمع کرانا  چاہیے۔ فقط واللہ اعلم