مسجد میں کچھ لوگ دیکھ بھال اور سیکیورٹی کا کام کرتے ہیں اور غریب ہیں، کیا ان سے کنفرم کیے بغیر کہ وہ زکاۃ کے مستحق ہیں یا نہیں، ان کو زکاۃ دی جاسکتی ہے؟
اگر زکاۃ دینے والے کا غالب گمان یہ ہو کہ جسے زکاۃ دی جارہی ہے وہ مستحق ہے اور اس کا دل مطمئن ہو تو اس کو زکاۃ دینا جائز ہے، خواہ یہ اطمینان مستحق کی ظاہری حالت دیکھ کر ہو رہا ہو، یا اس کی باتوں سے غالب گمان ہوجائے، یا مستحق کے خود بتانے سے یا اس کے زکاۃ کا سوال کرنے سے غالب گمان حاصل ہوجائے، مزید تحقیق وتفتیش کی ضرورت نہیں ہے۔ فقط واللہ اعلم
فتوی نمبر : 144109200452
دارالافتاء : جامعہ علوم اسلامیہ علامہ محمد یوسف بنوری ٹاؤن