اپنے آپ کوکافر کہنے کا کیا حکم ہے؟
کسی مسلمان کا دیدہ و دانستہ اپنے آپ کو کافر کہنا یا یہ کہنا کہ ”میں مسلمان نہیں ہوں“، کفر کا اقرار ہے، جو کفر ہے، اگر کوئی ایسا کر لے تو ایسے شخص پر واجب ہے کہ فوراً صدق دل سے توبہ کرلے اور تجدید ایمان کرے ، اور آیندہ ایسا کرنے سے مکمل پرہیز کرے۔ نیز اگر شادی شدہ ہو تو گواہوں کی موجودگی میں مہر مقرر کرکے تجدیدِ نکاح بھی کرے۔
الفتاوى الهندية (2/ 279):
"مسلم قال: أنا ملحد يكفر، ولو قال: ما علمت أنه كفر لايعذر بهذا ... وفي اليتيمة: سألت والدي عن رجل قال: أنا فرعون، أو إبليس فحينئذ يكفر، كذا في التتارخانية". فقط والله أعلم
فتوی نمبر : 144109201953
دارالافتاء : جامعہ علوم اسلامیہ علامہ محمد یوسف بنوری ٹاؤن