سوال

اگر ایک شخص کی آمدنی پر ہمیں یہ شک ہو کہ اس کی آمدنی میں کسی بھی قسم کا ناجائز عنصر شامل ہے توکسی بھی ایسے شخص کے گھرکھانا پینااورتحفے تحائف لینا یا عید کے موقع پر بچوں کا عیدی لینا یا ایسے پیسوں کی لین دین یعنی ادھارقرض لینا صحیح ہے یاغلط؟جبکہ اس سے کوئی بہت قریبی رشتہ ہو؟ برائے مہربانی راہنمائی فرمائیں ۔

جواب

سائل کو چاہئے کہ پہلے وہ تحقیق کرلے اور تحقیق کے بعد اگر واقعتاً حرام کی آمدنی کا عنصر غالب ہو تو پھر ان سے تحفہ تحائف لینے اور ان کے ہاں کھانا کھانے سے اجتناب کریں محض شک کی بنیاد پرکسی کی آمدنی کو ناجائز کہدینا درست نہیں۔ فقط واللہ اعلم