سوال

میں نے یہ الفاظ کہے  تھے کہ اگر میں نے مشت زنی کی تو بیوی طلاق ہے، پھر مباشرت کا خیال کرکے شہوت آئی انزال کے قریب ہوا تو ہاتھ سے عضو مخصوص کو زور سے پکڑا،  لیکن انزال نہیں ہوا،  پاؤں کے درمیان پکڑا،  انزال نہیں ہوا،  اس کے بعد انزال ہوا،  اب کیا حکم ہے؟

اور اگر یہ الفاظ کہے کہ اگر میں نے سیکس  ویڈیو دیکھی تو بیوی طلاق ہے،  پھر سیکس پر نظر پڑی دو سیکنڈ،  لیکن انزال نہیں ہوا،  اب کیا حکم ہے؟

جواب

صورتِ  مسئولہ میں اگر  کسی  شادی شدہ شخص نے یہ الفاظ کہے کہ : ”اگر میں نے مشت زنی کی تو بیوی طلاق ہے“ تو اس سے معہود اور معروف مشت زنی مراد ہوگی، اور اس پر  طلاق معلق ہوگی، لہذا اگر شہوت  کے غلبے اور صحبت کے خیال سے از خود انزال کی کیفیت ہونے لگی اور  عضو پکڑنے یا پاؤں میں دبانے سے انزال ہوا تو اس سے بیوی پر طلاق واقع نہیں ہوگی۔

3۔ اگر کسی  شادی شدہ شخص نے یہ الفاظ کہے کہ  ”اگر میں نے سیکس  ویڈیو دیکھی تو بیوی طلاق ہے“ تو اس صورت میں یہ دیکھنے سے ہی  ایک طلاقِ رجعی  واقع ہوجائے گی، اگرچہ انزال نہ ہوا ہو۔

فتاوی عالمگیری میں ہے:

"و إذا أضافه إلی الشرط وقع عقیب الشرط اتفاقًا".

(الفتاوي الهندية،كتاب الطلاق ۱/ ۴۲٠ ط:رشيدية)

فقط واللہ اعلم