سوال

میں نے اپنے بیٹے کا نام مُصحَف (Mus'haf) رکھا ہے میں نے آپ کی ویب سائٹ پر ناموں میں تلاش کیا نہیں ملا تو کیا یہ نام ٹھیک نہیں؟ اور کیا یہ نام بدل دینا چاہیے؟

جواب

"مصحف" عربی لغت میں لکھے ہوئے اوراق کے مجموعے کو کہتے ہیں،زیادہ تراس کا استعمال قران مجید کے لیے ہوتا ہے،اشخاص کے ناموں کے لیے یہ لفظ استعمال نہیں ہوتا،لہذایہ نام رکھنے کے بجائے بہتر یہ ہے کہ انبیاء کرام علیہم السلام یا صحابہ کرام رضی اللہ عنہم کے ناموں میں سے کوئی نام، یا کوئی بھی بامعنی اچھا نام رکھ لیں،اور اس سلسلہ میں دار الافتاء بنوری ٹاؤن کی ویب سائٹ پر ناموں کے عنوان سے ایک مکمل تحقیق شدہ ناموں کی  فہرست موجود ہے،وہاں سے بھی نام کا انتخاب کیا جاسکتا ہے۔

لسان العرب میں ہے:

"والمصحف والمصحف: الجامع للصحف المكتوبة بين الدفتين كأنه أصحف، والكسر والفتح فيه لغة....."

(فصل الصاد المھملۃ،ج9،ص186،ط؛دار صادر)

فقط واللہ اعلم