سوال

منہ میں اگر نسوار ہو یا گٹکا پان وغیرہ تو کیا ذکر کر سکتے ہیں؟

جواب

اللہ  تعالیٰ کا  مبارک ذکر کرتے ہوئے  اللہ تعالیٰ کی عظمت ومقام کا استحضار و رعایت رکھتے ہوئےتمام ادب واحترام کے تقاضوں کو ملحوظ رکھنا  یہ ذکر کے آداب میں سے ہے۔

لہذا صورتِ مسئولہ میں منہ میں نسوار، گٹکا یا پان کی موجودگی میں ذکر کرنا جائز ہے، البتہ بہتر اور افضل صورت   یہ ہے کہ  ذکر سے پہلے   کلی وغیرہ کرکے منہ کو اچھی طرح صاف کرلے، اگر مسواک موجود ہو تو مسواک  بھی کرے، اس کے بعد اللہ تعالیٰ کا ذکر کرے۔

الأذكار للنووی میں ہے :

"وينبغي أيضا أن يكون ‌فمه ‌نظيفا، فإن كان فيه تغير أزاله بالسواك، وإن كان فيه نجاسة أزالها بالغسل بالماء، فلو ذكر ولم يغسلها فهو مكروه ولا يحرم."

(فصل:في الأمر بالإخلاص(ص12)، ط: دارالفکر)

فقط واللہ اعلم