سوال

1 : ممتحن کا امتحان دینے والوں میں سے کسی کی دعوت قبول کرنا جائز ہے؟ جب کہ اس کے ساتھ امتحان میں ناجائز رعایت کا ارادہ نہ ہو۔

2 : الیکشن کی انتظامیہ کے کسی فرد کا الیکشن میں کھڑے ہونے والے کی دعوت قبول کرنا جائز ہے؟ جب کہ اس کو ناجائز فائدہ پہنچانے کا ارادہ نہ ہو۔

جواب

واضح رہے کہ اگر  ایک شخص کسی منصب پر فائز ہوجائے اور اس منصب پر فائز ہونے سے پہلے کسی کے ساتھ دعوت قبول کرنے کا تعلق  نہیں تھا، تو  ایسے شخص کو تہمت سے بچتے ہوئے ایسے لوگوں  کی دعوت قبول نہیں کرنی چاہیے۔

1 : ممتحن کو چاہیے کہ ایسے امتحان دینے والے کی دعوت قبول نہ کرے  جس  کی دعوت ممتحن بننے سے پہلے کبھی قبول نہ کی ہو؛ تاکہ تہمت سے بچا رہے۔

2 : الیکشن کی انتظامیہ کے ہر فرد کو چاہیے کہ ایسے الیکشن میں حصہ لینے والے کی دعوت قبول نہ کرے  جس کی دعوت انتظامیہ کا حصہ بننے سے پہلے کبھی قبول نہ کی ہو؛ تاکہ تہمت سے بچا رہے۔

الدر المختار وحاشية ابن عابدين (رد المحتار) (5 / 374):

"و لايجيب دعوة خصم وغير معتاد ولو عامة للتهمة."

فقط والله اعلم