سوال

اگر کوئی واپڈا میں کام کر رہا ہو اور واپڈا سے کچھ چیزیں گھر لے آئے، مثلا کیبل وغیرہ اور ان چیزوں میں کچھ باقی ہوں اور کچھ نہ ہوں تو ان دونوں مسئلوں کا کیا حکم ہے؟

جواب

 صورتِ مسئولہ میں مذکورہ ملازم  پر اپنے اس عمل سے فوری طور پر توبہ کرنا لازم ہے، اور تکمیل توبہ کے لیے یہ ضروری ہوگا کہ سرکاری املاک میں سے جو اشیاء خلافِ ضابطہ اٹھائی ہیں، ان میں سے جو موجود ہوں وہ فوراً واپس کردے، اور جو ختم  ہوچکی ہوں ان کی قیمت کسی بھی طرح مذکورہ ادارہ میں جمع کرادے، بصورتِ  دیگراس کا یہ عمل آخرت کی پکڑ کا باعث ہوگا۔ فقط واللہ اعلم