سوال

مہتمم صاحب مدرسے کے پیسوں سے اپنے مہمانوں کو کھانا کھلا سکتے ہیں  یا نہیں؟

جواب

بصورتِ مسئولہ اگر  مدرسہ وقف ہے اورسوال  میں مذکور آمدنی سے مراد لوگوں کا چندہ ہے تو اس کا مصرف مدرسے کے مصالح ومفاد ہے، اگر مدرسے کے پیسے زکاۃ کے ہیں تو ان پیسوں سےمہتمم کا اپنے مہمانوں کو کھانا کھلانا شرعاً درست نہیں، اور اگر نفلی صدقات ہیں اور مہمان مدرسے ہی کی کسی مناسبت سے آئے ہیں تو ان پیسوں سے ان مہمانوں  کے لیے کھانے کا انتظام کرنا شرعاً درست ہوگا، لیکن ذاتی مہمانوں کے لیے ان پیسوں کے استعمال کی بھی شرعاً اجازت نہیں ہوگی، مدارس کے وقف اموال اور ان کے مصارف بہت نازک اور قابلِ احتیاط امور ہیں،  قیامت کے دن اللہ تعالیٰ کے حضور جواب دہی کا استحضار رکھتے ہوئے ان کا استعمال کیا جائے، اور جس قدر ہوسکے ضرورت میں بھی  اس طرح کے استعمال سے اجتناب کی کوشش کی جائے۔فقط واللہ اعلم