”محمد ہادی“ نام رکھنا کیسا ہے ؟
عربی لغت میں لفظ ”ہادی“ کے دو معنیٰ آتے ہیں، ایک معنیٰ: ” راستہ دکھانے یا بتانے والا“، اس معنیٰ کے اعتبار سے ” محمد ہادی “نام رکھنا درست ہے، دوسرا معنیٰ ہے: ” سیدھے راستے (دین) پر چلانے والا“، یعنی ”ہدایت کی توفیق دینے والا“، اس معنیٰ کے اعتبار سے یہ لفظ اللہ تعالیٰ کا صفاتی نام ہے، تاہم مخلوق پر بھی اس کا اطلاق جائزہے، ، بہر حال ” محمد ہادی “ رکھنا درست ہے۔
المعجم الوسيط میں ہے:
"(هدى) فلان -هدًى و هدياً وهداية استرشد،و يقال هدى فلان هدْى فلان: سار سيره و فلان أرشده و دله، (الهادى) : من اسماء الله الحسنى و الدليل (هداة)."
(باب الهاء، ص: 978، ط: دار الدعوة)
فقط والله اعلم
فتوی نمبر : 144604101707
دارالافتاء : جامعہ علوم اسلامیہ علامہ محمد یوسف بنوری ٹاؤن
