میں اپنے بیٹے کا نام"محمد حَفِى"رکھنا چاہتا ہوں، یہ نام نبی کریم حضرت محمد صلی اللہ علیہ و آلہ وسلم کے 99 ناموں میں سے 2 نام ہیں، کیا یہ نام رکھا جا سکتا ہے؟
جی ہاں! آپ اپنے بیٹے کا نام "محمد حفی" رکھ سکتے ہیں۔ "حفی" کا معنی ہے: بہت زیادہ لطیف و مہربان ہونا، نیک ہونا، لطف و کرم، مہربانی اور اکرام میں مبالغہ کے ساتھ اہتمام کرنے والا۔
سبل الہدی والرشاد میں ہے:
"«الحفي»: البرّ اللطيف، يقال: حفيت بفلان و تحفّيت به إذا اعتنيت بكرامته."
(سبل الهدى والرشاد سبل الهدى والرشاد، في سيرة خير العباد لمحمد بن يوسف الصالحي الشامي (المتوفى: 942هـ) : الباب الثالث في ذكر ما وقفت عليه من أسمائه الشريفة صلى الله عليه وسلم وشرحها وما يتعلق بها من الفوائد، حرف الحاء المهملة (1/ 449)،ط. دار الكتب العلمية بيروت ، الطبعة: الأولى، 1414 هـ - 1993 م)
فقط، والله اعلم
فتوی نمبر : 144212200736
دارالافتاء : جامعہ علوم اسلامیہ علامہ محمد یوسف بنوری ٹاؤن