محمد مہد رضا کا مطلب بتا دیں۔
"محمد" نبی اکرم صلی اللہ علیہ و سلم کا نام ِ مبارک ہے، اس کا لغوی معنی ہے بہت تعریف کیا جانے والا شخص۔
"مَہد" ("م" پر زبر اور "ہ" کے سکون کے ساتھ) کے معنی ہیں : (1) بچہ کا گہوارہ ( بچوں کا جھولا) ( 2 ) نرم وہم وار زمین ۔
"رضا" کا معنی ہے : خُوشی ، رغبت، (دل کی) خوشنودی ، مرضی. مصلحت۔ (نوٹ: اردو میں "رضا" کے لفظ میں "ر" پر زبر اور زیر دونوں آتے ہیں، جب کہ عربی میں صرف زیر کے ساتھ ہی آتا ہے۔ملاحظہ ہو: فیروز اللغات، ص:712)
چناں چہ بچہ کا نام "محمد مہد رضا" رکھنا درست ہے۔
"القاموس المحيط" میں ہے:
"المهد: الموضع يهيأ للصبي، ويوطأ، والأرض، كالمهاد، ج: مهود."
(باب الدال، فصل الميم، ص:320، ط:مؤسسة الرسالة)
و فیہ ایضاً:
"يرضى رضا ورضوانا، ويضمان، ومرضاة: ضد سخط."
(باب الواو و الياء، فصل الراء، ص:1288، ط:مؤسسة الرسالة)
فقط واللہ اعلم
فتوی نمبر : 144407101239
دارالافتاء : جامعہ علوم اسلامیہ علامہ محمد یوسف بنوری ٹاؤن