سوال

1- محمد حسنین اور محمد طلحہ بچوں کے لیے یہ نام اچھے ہیں؟ اور ان دونوں ناموں کے معانی بھی بتائیں!

2- جان ولی خان نام کا معنی کیا ہے؟ اور آیا یہ نام ٹھیک ہے؟

جواب

1- "محمد حسنین" نام رکھنا  درست ہے، یہ حسن اور حسین کا تثنیہ ہے، اس کے معنیٰ ہیں اچھے لوگ۔

"محمد طلحہ" نام رکھنا بھی درست ہے، بلکہ یہ نام ایک عشرہ مبشرہ میں سے ایک جلیل القدر صحابی رضی اللہ عنہ کا بھی ہے، اس لیے اس نام کی فضیلت کے لیے یہ کافی ہے۔ باقی "طلحہ" ایک خاص قسم کے درخت کا نام ہے، اسی طرح کیلے کے لیے بھی یہ لفظ استعمال ہوتا ہے۔ 

2- "جان ولی خان" کا ایک معنی "ولی خان کی جان" ہو سکتا ہے، اس کے بجائے اگر "ولی اللہ خان" یا صرف "ولی اللہ" نام رکھ لیا جائے تو زیادہ بہتر ہو گا۔

معجم اللغة العربية المعاصرة (2/ 1408):

"ط ل ح

طَلْح [جمع]: جج طلوح، مف طلحة:

1 - شجر ضخم، كثير الورق، شديد الخضرة، طويل الشَّوك، له زهرة طيّبة الرِّيح، وثمرة تتغذّى عليها الإبل "ترعى الإبلُ الطَّلْحَ- {وَطَلْحٍ مَنْضُودٍ} ".

2 - موز " {وَطَلْحٍ مَنْضُودٍ}".

فقط واللہ اعلم