سوال

1- فاروق نام حضرت عمر رضی اللہ عنہ کا لقب تھا تو یہ نام صحابہ کے زمرے میں آتا ہے؟ فاروق سے پہلے محمد رکھ سکتے ہیں؟

2- "پوردل خان" نام رکھ سکتے ہیں؟

جواب

1- حضرت عمر رضی اللہ عنہ کا لقب "فاروق" تھا، اور فاروق چوں کہ صحابیِ رسول صلی اللہ علیہ وسلم ہی کا لقب ہے؛ اس لیے حضرت عمر رضی اللہ عنہ کے لقب پر  "فاروق" نام رکھنا بلا شبہ  برکت کا باعث ہے، نیز اس سے پہلے "محمد" لگانا  بھی درست ہے۔

2- باقی "پوردل خان"  کا معنیٰ متداول لغات کی کتب میں ہمیں نہیں مل سکا،  اس لیے بہتر ہو گا کہ صحابہ کے ناموں پر ہی نام رکھ لیا جائے،  یا کوئی ایسا نام رکھا جائے جس کا معنیٰ اچھا ہو، اگر "پوردل خان" کا معنیٰ بھی کسی دوسری زبان یا لغت میں مناسب اور اچھا ہو تو یہ نام رکھنا ممنوع نہ ہو گا۔ فقط واللہ اعلم