سوال

مجھے ایک وظیفہ کا پوچھنا ہے کہ  ایک روحانی عامل بتاتے ہے کہ  نماز جمعہ کے بعد 35 بار" محمد رسول اللہ احمد رسول اللہ "پڑھنا چاہیے اور یہ ہر نماز کے بعد بھی پڑھیں کیا یہ ٹھیک  ہے؟ 

جواب

واضح رہے کہ  آپ  ﷺ کی احادیث  سے کلمہ طیبہ ، درود شریف ، استغفار و دیگر اذکار و تسبیحات کا ورد کرنا ثابت ہے، تاہم صرف  "محمد  رسول اللہ ،احمد رسول اللہ  "  بطور وظیفہ پڑھنا اوراد و وظائف کی مستند  کتب میں  نہیں مل سکا،  لہذا  اس  کے  بجائے  درود شریف کثرت سے پڑھنے کا معمول  رکھا جائے،لیکن   اگر مذکورہ وظیفہ  بتلانے والا صحیح   العقیدہ باعمل بزرگ   ہو تو اسے پڑھ سکتے ہیں۔فقط واللہ اعلم