سوال

مسجد میں ایک جماعت ہو گئی ہے کچھ دیر بعد کچھ لوگ باہر سے آئے اور دوسری جماعت کھڑى کردی اس نماز میں ایک نمازی آخری رکعت میں شامل ہوتا ہے امام صاحب کے سلام ادا کرنے پر وہ نمازی اللہ اکبر کہتے ہوے باقی نماز کے لیے کھڑا ہوگیا  اب وہ اکیلا نماز پڑھ رہا ہے اسی دوران ایک دو نمازی اور آکر اس نمازی کے پیچھے کھڑے ہو جاتے ہیں اور پہلے والا نمازی امام بن جاتا کیا یہ طریقہ درست ہے۔

جواب

صورت مسئولہ میں مذکورہ شخص جو  امام کے ساتھ آخری رکعات میں شامل ہوا ہے وہ مسبوق  ہے اور مسبوق کی اقتدا کرنا جائز نہیں ہے ۔

"ومنہا أنہ منفرد فیما یقضی (إلا في أربع مسائل) (أحداہا) لا یجوز اقتداء ہ ولا الاقتداء بہ فلو اقتدی مسبوق بمسبوق فسدت صلاة المقتدی قرأ أو لم یقرأ دون الإمام کذا في البحر الرائق."

(ج:1، ص:92، الفصل السابع فی المسبوق والاحق،رشیدیہ)

فقط واللہ اعلم