جب انسان موزوں پر مسح کر نےکے بعد وضو توڑ دے، پھر اس کے بعد دوباره وضو کرے اسی موزوں میں، پھر اچانک موزوں کو نکال دے تو کیا اس کا وضو برقرار رہے گا یا نهيں؟
صورتِ مسئولہ میں وضو کے بعد موزے نکالنے سے وضو نہیں ٹوٹتا، البتہ مسح باطل ہوجائے گا، دوبارہ پاؤں دھونا پڑے گا۔
فتاوی ہندیہ میں ہے:
”وإذا نزع الخف وهو طاهر لا يجب عليه إلا غسل رجليه وكذا إذا انقضت مدة مسحه. هكذا في الهداية.“
(فتاوی ہندیہ،ج:1،ص:34،ط:دارالفکر بیروت)
فقط واللہ اعلم
فتوی نمبر : 144509100200
دارالافتاء : جامعہ علوم اسلامیہ علامہ محمد یوسف بنوری ٹاؤن