سوال

اگر روزہ کے دوران موشن لگ جائے تو کیا روزہ توڑ سکتے ہیں?

جواب

اگر روزے کے درمیان موشن لگ جائیں اور سابقہ تجربہ یا ماہر دین دار ڈاکٹر کی رائے یہ ہو کہ اگر روزہ نہ توڑا تو جان جانے کا خطرہ ہے یا بیماری بڑھ جانے کا اندیشہ ہو یا ناقابلِ برداشت تکلیف یا کم زوری لاحق ہو تو روزہ افطار کرنے کی اجازت ہے، بعد میں صرف اس روزے  کی قضا کرنا لازم ہے، لیکن اگر سابقہ تجربہ یا ماہر دین دار ڈاکٹر کی رائے کے مطابق بیماری اس حد تک خطرناک نہ ہو تو موش لگنے کی وجہ سے روزہ افطار کرنے کی اجازت نہیں۔

الفتاوى الهندية - (1 / 207):
"المريض إذا خاف على نفسه التلف أو ذهاب عضو يفطر بالإجماع، وإن خاف زيادة العلة وامتدادها فكذلك عندنا، وعليه القضاء إذا أفطر، كذا في المحيط". فقط و الله أعلم