مشابہتِ کفار پر کوئی کتاب تجویزکر دیں!
مشابہت کفار کے متعلق جامعہ کے ویب سائٹ پر موجود درج ذیل فتوی ملاحظہ فرمایئے:
سالگرہ منانا اور تشبہ بالکفار کی حقیقت
نیز اردو زبان میں درج ذیل کتابیں ملاحظہ کیجیے:
1- قاری محمد طیب صاحب رحمہ اللہ (مہتمم دار العلوم دیوبند) کی مایہ ناز کتاب "اسلامی تہذیب و تمدن" جو ”التشبہ فی الاسلام“ کے نام سے معروف ہے، جس کے بارے میں حکیم الامت حضرت مولانا اشرف علی تھانوی رحمہ اللہ فرماتے ہیں:
”تشبہ کا مسئلہ ایسا مدلل اور مکمل لکھا ہوا میں نے نہیں دیکھا، جن لطائف تک ذہن جانے کا احتمال تک نہ تھا، وہ منصہٴ شہود پر آگئے ہیں، بعید سے بعید شبہات کاقلع قمع کر دیا گیا ہے۔“
(مجموعہ رسائل حکیم الاسلام، اسلامی تہذیب و تمدن: 5/35،مکتبة الاحرار، مردان)
2- حضرت مولانا ادریس کاندہلوی رحمہ اللہ کا رسالہ "التنبہ علی ما فی التشبہ"۔
فقط و اللہ اعلم
فتوی نمبر : 144112201220
دارالافتاء : جامعہ علوم اسلامیہ علامہ محمد یوسف بنوری ٹاؤن