سوتے ہوئے محسوس ہو کہ احتلام ہوگیا، لیکن منی خارج نہ ہوئی ہو، شلوار پر بھی کسی قسم کا داغ نہ ہو تو کیا اس حالت میں غسل فرض ہے یا نہیں ؟
نیند کی حالت میں محسوس ہوا ہو کہ جیسے احتلام ہوگیا ہے، لیکن جاگنے کے بعد دیکھنے پر پتا چلے کہ منی خارج نہیں ہوئی ہے اور شرم گاہ یا شلوار وغیرہ پر بھی کسی قسم کا داغ یا نشان وغیرہ نہ ہو تو اس صورت میں غسل واجب نہیں ہوگا۔
الفتاوى الهندية (1/ 15):
"ولو تذكر الاحتلام ولذة الإنزال ولم ير بللًا لايجب عليه الغسل والمرأة كذلك في ظاهر الرواية؛ لأن خروج منيها إلى فرجها الخارج شرط لوجوب الغسل عليها وعليه الفتوى. هكذا في معراج الدراية."
الْفَصْلُ الثَّالِثُ فِي الْمَعَانِي الْمُوجِبَةِ لِلْغُسْلِ، الْفَصْلُ الثَّالِثُ فِي الْمَعَانِي الْمُوجِبَةِ لِلْغُسْلِ وَهِيَ ثَلَاثَةٌ، ١/ ١٥)
فقط واللہ اعلم
فتوی نمبر : 144209201251
دارالافتاء : جامعہ علوم اسلامیہ علامہ محمد یوسف بنوری ٹاؤن