سوال

میرے والد مرحوم کا نام مولا بخش ہے،  کیا یہ نام میں اپنے نوزائیدہ بیٹے کا رکھ سکتا ہوں، کیا مولابخش نام رکھنا جائز ہے؟

جواب

”مولا بخش “ فارسی  کا لفظ ہے، اس کے معنی ہیں، اے اللہ معاف فرمادے! یوں معنی کے اعتبار سے یہ  دعا بھی ہے، اور اس سے بخشش اور مغفرت کی  نیک فالی بھی لی جاسکتی ہے۔

آپ اپنے والد کا یہ نام اپنے بیٹے کا رکھ  سکتے ہیں، البتہ بہتر یہ ہے کہ انبیاءِ  کرام علیہم السلام یاصحابہ کرام رضوان اللہ علیہم اجمعین کے نام میں سے کوئی نام منتخب کرکے رکھ لیں۔ فقط واللہ اعلم