بِسْمِ اللَّهِ الرَّحْمَنِ الرَّحِيم

11 رجب 1444ھ 03 فروری 2023 ء

دارالافتاء

 

موبائل میں قرآن مجید یا دینی کتب ہوں تو بیت الخلا لے جانا یا زمین پر رکھنا


سوال

 موبائل فون میں قرآن مجید اور دوسری دینی کتابیں  ہوں اس کو  زمین پر رکھنا یا اس کو  بیت الخلا  لےجانا جائز ہے؟

جواب

اگر موبائل میں  قرآنِ  کریم  یا دینی کتاب  کا صفحہ اسکرین پر کھلا ہو ا ہو یا  تلاوت کی ریکارڈنگ  جاری ہو تو اس کو لے کر بیت الخلا جانا جائز نہیں اور زمین پر بھی نہیں رکھنا چاہیے، البتہ جب اسکرین پر کھلا ہوا نہ ہو تو چوں کہ اس صورت میں اس کا حکم مصحف یا کتاب کا نہیں ہے؛ اس لیے  گنجائش ہے، تاہم پھر بھی بیت الخلا ء لے جانا  خلافِ اولیٰ ہے، زیادہ  ادب کا تقاضا  اور بہتر یہی ہے کہ بیت الخلا کے باہر کسی محفوظ جگہ  پر رکھ کر جائے۔ فقط واللہ اعلم


فتوی نمبر : 144109201193

دارالافتاء : جامعہ علوم اسلامیہ علامہ محمد یوسف بنوری ٹاؤن



تلاش

سوال پوچھیں

اگر آپ کا مطلوبہ سوال موجود نہیں تو اپنا سوال پوچھنے کے لیے نیچے کلک کریں، سوال بھیجنے کے بعد جواب کا انتظار کریں۔ سوالات کی کثرت کی وجہ سے کبھی جواب دینے میں پندرہ بیس دن کا وقت بھی لگ جاتا ہے۔

سوال پوچھیں