سوال

"مقداد" کا معنی کیا ہے؟ اگر اس لفظ کو "الرحمن" کی طرف اضافت کرکے کسی کا نام رکھنا چاہیں  یا "رحمن" کے ساتھ ملاکر مرکب امتزاجی بنا کر نام رکھنا چاہیں تو رکھ سکتے ہیں یا نہیں؟ اور دونوں صورتوں میں معنی میں کوئی خرابی لازم آئے گی  یا نہیں؟

جواب

مقداد ، ایک صحابی رضی اللہ عنہ کا نام ہے اور صحابہ وانبیا کے ناموں کے معنوں کی طرف نہیں جانا چاہیے، بلکہ ان کا نام ہونا ہی کافی ہونا چاہیے۔ البتہ لغوی اعتبار سے مقداد اسمِ آلہ کا صیغہ ہے، اور اس کا معنی ہے: کاٹنے کا آلہ۔  لفظ اللہ یا الرحمن کی جانب اس کی اضافت اور ترکیب مناسب معلوم نہیں ہوتی۔

ق د د: القَدُّ الشق طولا وبابه رد والقَدُّ أيضا القامة والتقطيع و القِدُّ بالكسر سير يُقَدُّ من جلد غير مدبوغ و القِدّةُ بالكسر أيضا الطريقة والفِرقة من الناس إذا كان هوى كل واحد على حدة يقال كنا طرائق قِدَداً و القَدِيدُ اللحم المُقَدَّدُ. (مختار الصحاح، مادة: ق،د،د) فقط والله أعلم