سوال

منبر کی جن سیڑھیوں پر خطیب بیٹھتا   ہے اس پر مقتدی غلطی سے قرآن مجید رکھ دے اور پھر ہٹادے، تو اس پر خطیب صاحب کے بیٹھنے کا شرعی حکم کیا ہے؟

جواب

اگر کوئی شخص منبر کی پہلی سیڑھی   پر قرآن مجید رکھ دیتا ہے جہاں خطیب اپنے پاؤں رکھتا ہے تو اس كا یہ عمل مناسب نہیں تھا اور اس کو ایسا نہیں کرنا چاہیے تھا، قرآن مجید کے ادب کا تقاضا یہ ہے کہ اس کو ایسی جگہ نہ رکھا جائے جہاں پاؤں رکھے جاتے ہوں،  بہرحال!اس عمل کی وجہ سے خطیب کے لیے بیٹھنا ممنوع نہیں ہو گا، خطیب کا بیٹھنا درست ہو گا۔ فقط واللہ اعلم