سوال

"مینال" نام رکھنا کیسا ہے؟ انٹرنیٹ پے اس کا مطلب جنت کا پھول ملتا ہے۔ یہ کہاں تک درست ہے؟

جواب

تتبع اور تلاش کے بعد بھی لفظ "مینال" کسی بھی لغت (عربی، فارسی، اردو، انگلش) میں نہیں ملا، لہذا مذکورہ تلفظ کے اعتبار سے یہ نام مجہول المعنی ہونے کی وجہ سے رکھنا درست نہیں ہے، البتہ اس کا صحیح تلفظ مَنَال(میم اور نون کے زبر کے ساتھ) ہے، اور اس تلفظ کے اعتبار سے معنی ہے: آسانی سے حاصل ہونے والی چیز۔ (القاموس الوحید،المادہ:نیل، ص:1732، ط:ادارۃ الاسلامیات) اور اس تلفظ کے اعتبار سے  یہ نام رکھ سکتے ہیں۔ فقط واللہ اعلم