سوال

میرے پاس تقریباً 3300000/00 لاکھ روپے ہیں، جو مجھے میری ریٹائرمنٹ کے وقت (یعنی نومبر 2020 میں) ملے ہیں اور ایک گھر  میں ہم رہتے ہیں۔ اس کے علاوہ اور کچھ نہیں ہے، کیا اس رقم کی زکات مجھ پر فرض ہو گی ؟

جواب

اگر آپ پہلے سے صاحبِ  نصاب نہ ہوں تو مذکورہ رقم پر سال گزرنے کے بعد جتنی رقم آپ کی ملکیت میں ہوگی اس پر ڈھائی فیصد زکات ادا کرنا آپ پر لازم ہوگا۔ البتہ اگر آپ پہلے سے صاحبِ نصاب ہیں تو جس وقت آپ کی زکات کی ادائیگی کا وقت پورا ہوتا ہو اس  تاریخ تک جو ادائیگیاں اور قرضے آپ کے ذمے لازم ہوں، انہیں منہا کرکے بقیہ رقم  کی زکات  ادا کرنا لازم ہوگا۔  

الدر المختار وحاشية ابن عابدين (رد المحتار) (2/ 267):

’’ (وشرطه) أي شرط افتراض أدائها (حولان الحول) وهو في ملكه (وثمنية المال كالدراهم والدنانير) لتعينهما للتجارة بأصل الخلقة فتلزم الزكاة كيفما أمسكهما ولو للنفقة (أو السوم) بقيدها الآتي (أو نية التجارة) في العروض.‘‘

فقط واللہ اعلم